Kor mange forfattarar skal til for å redde verda?
Bli med på skrivedugnad 4. januar!

Som ein del av Klimafestivalen § 112 inviterer vi ungdom til ein skriveverkstad 4. januar. Ti profesjonelle forfattarar og opptil 30 ungommar skal sitje saman i seks timar og skrive. Vi ønskjer å ta § 112 i Grunnlova på alvor og finne eit språk der kunnskap og kjensler møtest og fører til handling.

Alle deltakarane skal produsere tekstar – poesi, prosa, artiklar, lesarinnlett, etc. I tillegg skal dei etablerte forfattarane fungere som mentorar for dei unge, og gi råd og rettleiing i løpet av dagen. Kva som skjer med tekstane etterpå er frivillig, men det vil det vere råd å publisere tekstane på ulike nettforum og kanskje også i tradisjonelle nyheitskanalar.

Følgjande forfattarar vil delta:
– Ragnar Hovland
– Mette Karlsvik
– Eirik Ingebrigtsen
– Gunstein Bakke
– Hilde Hagerup
– Lars Mæhle
– Bård Lahn
– Torgeir Rebolledo Pedersen
– Ruth Lillegraven
– Ingeborg Arvola

Dette er forfattarar med brei erfaring både frå skjønn- og faglitteratur, for både barn, ungdom og vaksne.

Er du mellom 15 og 30 år og har lyst til å delta?
Det kostar ingenting å vere med.

Påmelding: Send ein e-post til fridaispire@gmail.com innan 29. desember 2014

Vi byr på gratis lunsj!

kl. 11.00-17.00

Norsk kulturarv ein stad mellom Arcade Fire og Leonard Cohen

Ljodahått er ein hyllest til Noregs litteratur- og poesitradisjon. Her får du høyre diktsongar med element av rock, folk, vise og jazz. Ljodahått, etter norrønt «ljóðaháttr», betyr trollsang eller magisk sang, men også motstridande stemmer/klangar. Ljodahått formidlar norsk kulturarv, tolka gjennom musikk og stemmer for å auke interessa for norsk poesi, litteratur, språk og kultur mellom folk i både inn- og utland. Diktsongane vert framført utelukkande på norsk uansett spelestad, nokre av dei av franske, sveitsiske og tyske vokalistar. Slik vart Ljodahått skildra då gruppa gjesta Edinburgh: «Tenk på noko ein stad mellom Arcade Fire og Leonard Cohen, og du er på rett spor».

Tekstane er henta hjå nokre av våre største diktarar: Henrik Ibsen, Knut Hamsun, Olav Nygard, Tarjei Vesaas, Olav H. Hauge, Olaf Bull, Astrid Hjertenæs Andersen og Tor Ulven for å nemne nokre, og all musikken er originalkomposisjonar frå Ljodahått. Ein poesi-konsert som gir lysstrålar i « kvardagsgruggen », for å bruke eit ord frå Olav Nygard.

Magne Håvard Brekke komponist, fiolin, vokal Ståle Caspersen komponist, torader, gitar, piano, vokal Steven Forward bassgitar, vokal Jürg Kienberger komponist, piano, orgel, hjemmelaget glassharpe, vokal Vidar Osmundsen gitar, piano, vokal Laurent Petitgand komponist, gitar, piano, vokal Eirik Mannsåker Roald cello, vokal Sébastien Souchois komponist, altsaksofon, baritonsaksofon, piano, vokal Sam Walker komponist, perkusjon, vokal.

Ljodahått på Festspillene i Bergen 2015

Nynorsk songbok

Songlaget i Oslo og Bygdelagskoret i Oslo har gjennom eit hundre år vore formidlar av nynorsk song. No møtast dei ein dag i mai for å formidle noko av det store repertoaret desse kora syng og utforskar. Denne dagen får publikum oppleve kontrastar og bredde innan formidling av nynorsk song og folkemusikk for og med kor. Her er fleire 100 års tradisjon, nye arrangement og ikkje minst eit møte mellom ulike stilar innan formidling av musikk. Det blir kaffe og kaker på tradisjonelt vis og tradisjonell musikk på nye måter. Og det blir allsong.

Songlaget blei etablert i 1914 og var eit samlingspunkt for utvikling og formidling av folkekultur. Gjennom alle år har koret hatt det som sitt viktigaste mål å ta vare på norske song- og musikktradisjonar.Dei har eit bredt repertoar og dei siste 15 åra hatt ein særleg satsing på folkemusikk. Under leiing av Vegar Sandholt utforskar dei songskattar og større verk med vekt på ein klassisk klang.

Bygdelagskoret i Oslo er eit av dei få kora i landet som utforskar og formidlar folkemusikk på ein mest mogleg autentisk måte, både når det gjeld tonesetting og klang. Samstundes får dei fram nye arrangement mellom anna inspirert av urtoneklang, internasjonal folkemusikk og utøvarar som Valkyrien Allstars. Dei syng tekstar frå folkekulturen og lyrikk frå diktarar som Garborg, Prøysen, Vesaas. Bygdelagkort blei stifta i 1929 og var gjennom fleire ti-år eit av Noregs viktigaste representasjonskor, eit kor som spegla heile landet. Anne-Line Sandegren har dirigert koret i over 15 år og arbeidet ho gjer med å utforske formidling av folketonar for eit blandakor på folketoneklangens premissar, kan reknast som eit pionerarbeid. Koret har også vore med i fleire teateroppsettingar

«Short stories»
Lanseringskonsert

Tradisjon og modernitet møtest i musikken til Slagr. Trioen vart grunnlagt i 2003, og Anne Hytta på hardingfele, Katrine Schiøtt på cello og Amund Sjølie Sveen på vibrafon og glas står for ein sjeldan instrumentkombinasjon i den store bandfloraen.

Musikken kling også umiskjennelig som Slagr, ein stad mellom meditativ kammerfolk og akustisk ambient.

Slagr har gitt ut tre album i eige namn, og er med på Andreas Ulvos album Softspeaker.
23. april 2015 kjem det neste albumet deira, short stories.

Slagr har ein signatur i den spesielle klangen mellom vibrafon, glas og stryk som er heilt unik.

Slagr er eit gamalt norsk ord, og betyr ’slått’, ’melodi’. Det har same opphav som verbet slá – slå på strengene.

Utdrag frå kritikkar:

Trioen Slagr, med hardingfelespilleren Anne Hytta i spissen, leverer norsk musikk for et internasjonalt publikum. Sammen med slagverker Amund Sjølie Sveen og cellist Sigrun Eng leverer hun åtte komposisjoner som har mer til felles med Brian Eno enn Myllarguten.

Nydelig instrumentert, med vibrafonlyden som smyger seg inn mellom cello- og feleklangen, beveger musikken seg i et landskap der det melodiske definerer harmonikken gjennom gjentatte fraser og utstrukket tid. Dette er moderne folkemusikk med eldgamle røtter.
Maja Ratkje, Morgenbladet

Les meir om Slagr