I KVERVLANE ETTER HULDA OG ARNE GARBORG

/in , /by

Ei samling om Garborg-paret – og kulturrørsla deira som held fram i vår eiga tid

LAURDAG 22. OG SØNDAG 23. SEPTEMBER, kl. 11-16

Arrangør: Musikar Nora Taksdal, i samarbeid med Nynorskens hus v/ Liv Hege Skagestad

 

Jan Inge Sørbø: Morgonmenneske og modernistar. Om den nynorske danningsvegen.

Arnhild Skre: Hulda Garborgs liv, virke og forfattarskap.

Atle Ove Martinussen: Hulda med og utan bunad! Om folkedraktene, og om Garborgenes samarbeid med lyrikaren Olav Nygard.

Camara Joof: Hulda no! Om merkelappar og identitet.

Nora Taksdal: Homér, hav og heimland: om renninga i ekteparet Garborgs samfunnsvev.

 

Lett lunsj og levande kammermusikk inkludert

 

DET BLIR FESTMIDDAG I HULDAS AND PÅ KAFFISTOVA LAURDAG 22. SEPTEMBER KL 16:30

Med kåseri, tekstar og levande musikk.

Open for alle. Kuvertpris: 325.- Separat påmelding til nora.taksdal@gmail.com.

Forfattartreff med Ruth Lillegraven

/in , /by

Vennelaget samlagsrota inviterer til forfattartreff med Ruth Lillegraven.

 

Prisvinnande og kritikarroste Ruth Lillegraven er tilbake med ei ny diktsamling for barn.

I denne boka får vi vere med eit barn inn i skogen den grøne.

Kva skjer når eit barn følgjer ein kviskrande sti? Korleis kan ei bjørk likne ei jente som prøver å riste vatn ut av håret? Og kva med skodda som kjem som huldrepust? Og elgen som flyt i det botnlause tjernet, søkk han heilt ned til Kina?

Forfattaren vil saman med barn og ungdom frå Den mangfaldige scenen framføre dikta frå samlinga, til illustrasjonane av Mari Kanstad Johnsen. Musikar Sidiki Camara set tonar til lesinga.

Dette er eit familiearrangement. Det blir servering av saft, kaffi og kake, sal av bøker og signering. Og dei aller minste skal få fargeleggje dei fine illustrasjonane.

Som i den Bragepris-nominerte diktsamlinga Eg er eg er eg er skriv Ruth Lillegraven med finkjensle for dei små detaljane. I Skogen den grøne følgjer vi eit barns undrande blikk på det som lever og hender i naturen rundt oss. Lillegraven tek den unge lesaren med inn i skogen – og inn i poesien.

Den mangfaldige scenen er eit barne- og ungdomsteater eigd av Det Norske Teatret, Noregs Ungdomslag og Bondeungdomslaget i Oslo. Sidiki Camara, busett i Oslo, er ein av Malis fremste perkusjonistar og speler også melodiske instrument som balafon og ngoni.

Mein ziemlich seltsamer Freund Walter – Goethe-Institut

/in , /by

I stykket «Mein ziemlich seltsamer Freund Walter» fortel Sibylle Berg ei historie om vennskap, einsemd og mot.

Lisa har ingen venner og foreldra gir ho heller ikkje mykje tid og oppmerksemd. Heimen hennar er grå og einsam og på skulen blir ho konfrontert med ungdommar som mobbar og ignorante lærarar.

Historia tar ei positiv vending då eit utanomjordisk vesen dukkar opp i hagen til Lisa. For enkelheits skyld gir ho han namnet Walter, og han klarer det ingen andre i Lisa sitt liv kan: Han hjelper ho med å utvikle sjølvfølelse og tillit.

Stykket passar for tyskelevar mellom 15 og 17 år som har hatt tyskundervisning i om lag 3 år.

Dato: Måndag, 17. september 2018,  kl.12:30–14:00
Stad: Nynorskens hus, Rosenkrantz» gate 8, 0159 Oslo
Varigheit: 80 min pluss 15 min til spørsmål og svar etter framsyninga
Gratis inngang
Påmelding vert kravd

 

For meir informasjon kan du klikke her.

NÅ V – Ein konsertserie av Ensemble Allegria

/in , /by

NÅ V

Kurator: Sverre K. Bauge

Program:

Johnny Greenwood: Suite frå filmen “There will be blood”

Arvo Pärt: Fratres

John Adams: Shaker Loops

 

For meir informasjon:

www.ensembleallegria.com/

Ensemble Allegria på Facebook

Har du høyrt? – Oslo kammermusikkfestival

/in , /by

Program:
Arnold Schönberg (1874–1951): Kammersymfoni

Sofia Gubaidulina (1931): Hommage a T.S. Elliot med Sopran

Med:
Solist: Marianne Beate Kielland
Oslo Sinfonietta, leiar Christian Eggen

Liggekonsert med Slagr

/in /by

Ro og kvile i haustmørket. Dette er ein sjeldan moglegheit til å leggje seg ned med eit varmande teppe over seg, og la musikken og roen søkke inn. Slagrs musikk – for cello, hardingfele, vibrafon og glas – rører seg stille i grenseland mellom fleire sjangrar. Ei særeigen og annleis konsertoppleving – perfekt for den som ønskjer å kople av og stresse ned.

Slagr kallar sjølv musikken sin for meditativ kammerfolkemusikk. Å ligge ned og lytte til musikk kan gi avspenning, ein meditasjon der musikken leiar merksemda. Det kan også vere som ein heilt vanleg konsert, berre meir behageleg. Eller du kan tillate deg å flyte inn og ut av søvnen mens skiljet mellom draum og verksemd blir viska ut.

KRANTZ // Sesongopning 1. september

/in , /by

Haustens fyrste Krantz-konsert byr på variert musikk for strykarar og blåsarar. På programmet står «Tre madrigalar» av Martinu, Prokofievs kvintett basert på musikk frå balletten Trapèze, og «Wolfgang is dancing» av den nolevande svenske komponisten Albert Schnelzer.
Musikarane ved kveldens konsert speler til dagleg i Oslo Filharmonien, Kringkastingsorkesteret, Ensemble Allegria og Det Norske Kammerorkester.

Medverkande:
Pierre Xhonneux // klarinett
Min Hua Chiu // obo
Guro Asheim // fiolin
Einar Kyvik Bauge // bratsj
Nikolai Matthews // kontrabass

Lyrikk & musikk II – Oslo kammermusikkfestival

/in , /by

Oslo Kammermusikkfestival arrangerer konserten Lyrikk & musikk II i Nynorskens hus 22. august.

Program Lyrikk & Musikk II

Lyrikk av Hulda Garborg (1862–1934) og Tore Ørjasæter (1886–1968)
Lest av Ola B. Johannessen.

Musikk av David Monrad Johansen (1888–1974)
Scenemusikk til «Jo Gjende»
Scenemusikk til «Den Store Freden»
Klaverkvartett i c-moll opus 26

Med:
Sanae Yoshida, klaver
Tor Johan Bøen, fiolin
Bénédicte Royer, bratsj og fiolin
Aurélienne Brauner, cello

Fragaria Vesca blei grunnlagt av Tor Johan Bøen i 2006, og er eit fleksibelt kammermusikkensemble via framføring av musikk frå forskjellige stilartar og epokar på originalinstrument. Repertoaret strekkjer seg frå barokken og fram til det 20. hundreår.

Den grunnleggande motivasjonen for denne tilnærmingsmåten er at historisk informerte framføringar på tidsriktige instrument er med på å sette musikken i sin naturlege samanheng.
Ensemblet sine prosjekt er ofte knyta til nytt musikalsk forskingsarbeid.

Ensemblet blei nominert til Spellemannsprisen 2016 for innspelinga deira av David Monrad Johansens kammermusikk (Simax Classics).

Lunsj kan kjøpast før konserten.

Lyrikk & musikk I – Oslo kammermusikkfestival

/in , /by

Oslo Kammermusikkfestival arrangerer konserten Lyrikk & musikk I i Nynorskens hus 21. august.

Program Lyrikk & Musikk I

Lyrikk av Olav Nygard lest av Jon Eikemo, musikalske kontrastar ved Arve Tellefsen.

Lunsj kan kjøpast før konserten.