Pianokonsert med unge pianotalent under leiing av Anna Valentik
«La oss vere audmjuke og utretterlege tjenerar til kunsten som løfter sjelen og foredlar hjarte!»
Anton Rubinstein
russisk pianist, komponist, dirigent
og den første direktøren ved St. Petersburgs Konservatorium
(frå talen ved opninga av St. Petersburgs Konservatorium i september 1862)
Songlaget i Bul prisar den nordiske sumaren, ljoset, kjærleiken og den mangslungne historia vår i denne sumarkonserten. I år gror det og blomar i vårt plogjernspor, når SOL-borna vitjar oss med song og glede!
SOL har også med seg eit nyskipa barnekor frå Den mangfaldige scenen som kjem og syng saman med oss under konserten.
Barnekoret Solborna vart skipa våren 2017 og er eit samarbeid mellom Den Mangfaldige Scenen og Aktivitetsskolen på Møllergata skole. Saman med dirigent Linnéa Sundfær Haug syng borna og har det moro kvar tysdag og vert kjende med songar frå heile verda – det går i alt frå norske folkesongar til Fader Jakob på somali. Og når me har sunge lenge nok, går me over til å spela litt piano saman i staden. Programinnslaget med Songlaget i BUL vert den fyrste framsyninga til Solborna, og dei gler seg til å syngja både åleine og saman med vaksenkoret.
Inngangspengar: 50 kr, ved døra
Eit eldre eksentrisk ektepar. Ein utru lege, kona og to elskerinner. Ein sjalu og hovudstups forelska slektning. Ein mistenksam tenar. Alle er samla på landstaden The Hollow, og mellom skytetrening og andelunsj blir ein av dei drepne på mystisk vis. Utan vitne, alle er mistenkte.
Teaterlaget i Bondeungdomslaget i Oslo syner Hollowmysteriet av Agatha Christie.
Omsett til nynorsk av Unn Catosdotter Fyllingsnes
Regi: Fredrik Elfstrand
Framsyninga blir spelt med to sett med skodespelarar (1) og (2)
Premiere: Laurdag 3. juni kl. 15.00 (2) og kl. 19.00 (1)
Framsyningar:
Sundag 4. juni kl. 19.00 (2)
Måndag 5. juni kl. 15.00 (1) og kl. 19.00 (2)
Onsdag 7. juni kl. 19.00 (1)
Fredag 9. juni kl. 19.00 (2)
Laurdag 10. juni kl. 19.00 (1)
Sett 1:
John Christow – Håvard Thorsby
Gerda Christow – Marie Nicolaisen
Henrietta Angkatell – Aila Eckhoff Sinober
Edward Angkatell – Endre Isachsen Flatmo
Midge Harvey – Heidrun Sølna Øverby
Sir Henry Angkatell – Terje Svindseth
Lucy, Lady Angkatell – Mari Elise Haugen
Veronica Cray – Silje Dahl
Gudgeon, Butler – Kjell Åsmund Sunde
Inspektør Colquhoun – Henning Værnes
Sersjant Penny – Emil Bech Stenstad
Doris – Margrethe Frydendal Kollerud
Sett 2
John Christow – Henning Værnes
Gerda Christow – Marie Nicolaisen
Henrietta Angkatell – Maria Ellingsen Austbø
Edward Angkatell – Endre Isachsen Flatmo
Midge Harvey – Heidi G. Einarsrud
Sir Henry Angkatell – Henri Aasen
Lucy, Lady Angkatell – Vivian Brattsti Sørensen
Veronica Cray – Anita Topnesvåg Wergeland-Jenssen
Gudgeon, Butler – Kjell Åsmund Sunde
Inspektør Colquhoun – Håvard Thorsby
Sersjant Penny – Lena Reknes Sanne
Doris – Torill
Solfrid Molland er songar, pianist og komponist. Ho vaks opp med russisk folkemusikk, sigøynarmusikk og vestleg kunstmusikk. Dette musikkuniverset pregar hennar konsertar og komposisjonar. På reiser som gatemusikant i Europa lærte ho sigøynarsongar av rom-musikarar og skreiv musikk inspirert av ulike katedralar ho møtte på vegen. Saman med Nordberg strykeorkester og gatemusikar Ion Rasturnel spelar ho no rumensk og russisk sigøyneamusikk i prosjektet Musikken er mitt fedreland.
Velkommen til plateslepp – Sarah Camille & band med debutalbum ”Sol”.
Dørene opnar kl. 19.00.
Konserten startar kl. 19.30.
Vi avslutter kvelden med god musikk fra DJ og noe godt å drikke og tygge på.
Det er ikkje første gongen Sarah set føttene på ein scene. I snart sju år har ho formidla historiane sine gjennom poesi, musikk og forteljing. Ho har møtt store og små publikummarar frå store og små scener i Noreg og utlandet. I 2011 vart ho noregsmeister i slampoesi. Etter det har ho mellom anna bidrege under grunnlovsjubileet på Stortinget, Alf Prøysen 100 år på Det Norske Teatret, Oslo World Music festival og tallause konsertar rundt om landet med Rikskonsertene. Internasjonalt har ho delteke på festivalar i Sverige og Danmark, på Cuba, i Frankrike og sist i Kina. Men første gong Sarah sat føtene i eit studio for å spele inn sitt første album, skulle det ta to år og to svangerskap før materialet var klart. No gledar Sarah seg til å presentere albumet ”Sol” i mai 2017. Sarahs poesi er personleg, med eit blikk innover og utover mot verda. Ho bevegar seg i eit uttrykk som foreiner Spoken Word-poesi, forteljing og musikk. Musikken er ein fusjon med element frå jazz, urban, afro-karibisk og folk. Sarah har to morsmål; fransk og norsk, ordet ”sol” betyr to vidt forskjellige ting på kvart språk. På fransk betyr ”sol” bakke. Det same ordet samler altså både sola og bakken. I albumet vekslar Sarah mellom fleire språk, og poesien snakkar om fleire ting mellom sola og bakken.
Musikere: Sidiki Camara – Perkusjon, n´goni, Balafon Jørn Erik Ahlsen – Gitar Lius Baruch – Perkusjon Barry Adama – Fløyte Alejandro Gispert – Bass Mark Axiak – Gitar . – Fri aldersgrense -.
Albumet er spelt inn på Urban Sound Studios med Mark Axiak som co-produsent på fleire av låtane. Alle låtane er komponerte av Sarah og musikarane som bidreg på albumet.
Albumet er støtta av Den Mangfaldige Scenen og Bergesenstiftelsen.
Vilde Sandve Alnæs og Inga Margrete Aas utgjer duoen Vilde&Inga. Vilde&Inga spelar akustisk fritt
improvisert musikk med besetninga fiolin og kontrabass. Ved å stadig søke nye tilnærmingar til
instrumenta sine har duoen utvikla ein rik og variert klangpalett. Med dette som utgangspunkt oppstår
musikken langsamt og organisk med ei underliggande kompositorisk bevisstheit.
Vilde&Ingas debutalbum, Makrofauna, som vart utgitt i 2014 på det tyske plateselskapet ECM,
hausta gode kritikkar. Terje Mosnes (JazziNorge) skreiv den gongen om Makrofauna “Oppsiktsvekkende
debut”. Eyal Hareuveni i All About Jazz skreiv “The profound interplay of Vilde&Inga is telepathic”.
Hausten 2016 mottok Vilde&Inga De Unges Lindemanpris for sitt arbeid med duoen. Våren 2017 kjem
duoen si andre plate, Silfr, ut på plateselskapet SOFA. SOFA har i snart 20 år gitt ut ny eksperimentell
musikk. På Silfr presenterer Vilde&Inga låtar som er ei blanding av komposisjon og improvisasjon.
Alnæs og Aas har studert klassisk musikk ved Norges Musikkhøgskole. I tillegg til Vilde&Inga
spelar dei saman i kammerorkesteret Ensemble Allegria og i trioen Azkadenya med Sidsel Endresen.
KRANTZ ynskjer velkommen til konsert
På programmet denne kvelden står orkestral kammermusikk for sju strykarar skreve av to 1900-tals komponistar med svært ulikt musikalsk uttrykk.
Amerikanske John Adams (1947) sitt ekstatiske verk Shaker Loops fra 1978, skreve ca 30 år seinare enn Strauss sin septett, begynte eigentleg som ein strykekvartett, men etterkvart vaks det fram ei trong til til eit større og feitare format, og stykket vart rekomponert for to cello, ein bass, ein bratsj og tre fiolinar for meir masse og akustisk kraft. Adams er svært fascinert av bølger og bølgeform, og i musikken hans er bygd opp av små repeterte motiv som blir til skimrande mønster, som overflata på ei opprørt vassflate.
Sjølve navnet på stykket refererer til shakersekta, som oppnådde åndelig transe ved ekstatisk dans.
Eit av dei siste verka til østerikaren Richard Strauss (1864-1949) var Metamorfosane , komponert dei to siste åra av 2. Verdskrigen. Verket fins i to versjonar for 23 solostrykarar og septettversjon, for to fiolinar, to bratsjar, to celloar og ein kontrabass som de får høyre i kveld. Dette djuptloddande verket består av nokre få musikalske idear som strøymer i ein langsam transformasjon rundt seg sjølv, og er omtalt som Strauss´ eige lament over krigens ugjerningar.
Kveldens musikarar er alle Oslobaserte kammermusikarar
Maria Angelica Carlsen // fiolin
Guro Asheim // fiolin
Magnus Boye Hansen // fiolin og bratsj
Hanne Skjelbred // bratsj
Gregor Riddell // cello
Torun Sæter Stavseng // cello
Nikolai Matthews // kontrabass
Nordfjordingen var forfattar, forlagsmann, redaktør, offiser og den fyrste skrivaren i Noregs Ungdomslag og Noregs Mållag. Ein uredd mann med ovstor arbeidskapasitet.
Sonesonen Bendik Os kåserer om den mangslungne og arbeidsame farfar sin, som han nyleg har skrive biografi om.
Den unge spelemannen Fredrik Hope frå Hyen spelar musikk frå Nordfjord. Fredrik er nestleiar i Norsk Målungdom.
Programmet, kaffi/vatn og noko å bita i får du for berre 50 kroner.
Tilskipar: Målnemnda i Bondeungdomslaget i Oslo og Fylkesmållaget Vikværingen
Ei 5 timar iscenesatt samtale. Desse menneska, som tilsynelatande ikkje kjenner kvarandre, har møtt opp fordi dei ber på ei slags skam.
Og det heile blir til ein film.
Eit samarbeid mellom Den mangfaldige scenen, Spire , Intergral film og Klimafestivalen 2017
Slagr held fram med liggekonsertar på Nynorskens hus. Å ligge uforstyrra under eit mjukt teppe ein stad mellom svevn og vaken tilstand medan langsom, skjør musikk faldar seg ut, kan du oppleve to onsdagar i vår: 25. januar og 1. mars. Hald av datoane for unike opplevingar!
Musikken til Slagr – for cello, hardingfele, vibrafon og glas – rører seg stille avstad i grenseland mellom fleire sjangrar. Vi kallar det akustisk ambient, eller meditativ kammerfolkemusikk. Å ligge ned og lytte til musikk kan gi djup avspenning, ein slags meditasjon der musikken leiar merksemda. Det kan også vere som ein helt vanleg konsert, berre meir behageleg. Eller du kan tillate deg å flyte inn og ut av søvnen medan skillet mellom draum og verkelegheit vert viska ut.
Slagr har lang erfaring med å spele liggekonsertar. På heimesidene våre kan du blant anna sjå oss spele i sengeavdelinga på Ikea! Alle som kjem på liggekonsertane får utdelt pledd og liggeunderlag.
Onsdag 14. oktober – kl. 20.00
Onsdag 25. november – kl. 20.00
Konsertane varer omtrent ein time. Nynorskens hus, Rosenkrantzgate 8
Inngang kr. 150,-
Du kan førehandsbestille billettar her: www.slagr.com/liggekonsert
